كيف تقوي عضلات ظهرك

كيف تقوي عضلات ظهرك

مساء الخير للناس المحترمة الي بتبحث عن كل جديد وعايزة تتطور فورمتها اهديك المنشور دا واتمني يفيدك.

عضلة من العضلات العنيدة والي بتبقا صعبة شوية في ظهورها ولكن لما توصلها وتشوف غيرت شكل فورمتك ازاي مش هتندم ابدا علي انك اتمرنتها كويس ونظمتلها يوم في جدولك وهيا الظهر

طبعا ناس كتيرة عارفة اقصد ايه بس عشان توصل لنتيجة ممتازة لازم تراجع شوية حاجات وتركيزك علي اللعب الصح طبعا الظهر من العضلات الكبيرة وبيحتاج فترة راحة ويفضل تلعبة يوم واحد في الاسبوع ويبقا يوم ظهر بس مفيش اي حاجة جنبه وتبقا محضر لليوم دا كويس.

وعشان تضمن انك تحصل علي ظهر صح لازم تضمن انك بتعمل تمرينك ومنظمه بالشكل الصح.

الظهر الممتاز بيكمن في انك تلعب تمرينك بتركيز وتسخن كويس واوزان معقولة مع الوقت عالي الوزن بس لما تستمر ويبقا عدي عليك مده لا تقل عن 6 شهور لان الظهر دا الي ماسك الجسم كله لو حصل اصابة فيه بتتبهدل وهتوقف اللعبة دي بدري وعامل زي المبني لازم تقوي الاساس عشان تحمل عليه براحتك حتي اكبرها لاعيبة بتتصاب في الظهر لذلك عليك اشد الحذر

وتاخد بالك وانتا بتلعب في اليوم دا ويسلام لو معاك حزام الظهر ومسخن كويس ونازل تمرينك بترتيبك الصحيح وبلاش الاكثار من التمرينات يعم لو خربت الدنيا اوي خليها 6 تمرينات علي سبيل المثال.

طبعا تمرينك هيبقا شامل اجهزة وحر العادي بتاعك و6 تمرينات تركز علي الظهر كله مجانص وقطانية واسفل واعلي الظهر تبقا لاعب تمرينة شاملة الظهر كله وطالع وانتا حاسس انك لعبت يوم ظهر ممتاز

اغلب اصابات الظهر بتبقا بسبب الاوزان الغريبة دي والثقيلة جدا وعدم الخبرة يعني بتلعب علي البركة وتقليد الظهر من العضلات بطيئة الاستجابة وبتاخد وقت يعني مش بالوزن بالالتزام والاستمرار هتشوف ظهر كويس ولكن غير كدا انتا هتعرض نفسك للاصابة مبكرا وهتنهي مشوارك قبل ما تبدأه في اللعبة دي لذلك خليك حريص علي نفسك وانك بتلعب علي مهلك وبالاداء الصحيح وبالوزن المناسب ليك