ما هي فتره التنشيف عند لاعب كمال الاجسام
هى فترة التنشيف .. عبارة عن اييييييه !!؟
أول حاجة فى فترة التنشيف هى ممارسة تمارين الكارديو وهي الجري أو او الدراجة أو نط الحبل على الأقل أربع مرات أسبوعياً بتبتديهم تدريجيا يعنى أول أسبوعين مرة واحدة فى الاسبوع .. تانى أسبوعين مرتين وهاكذا لحد ماتوصل لأربع مرات اسبوعيا .
لمدة (20-30) دقيقة ويستحسن تكون الصبح عشان مصدر الطاقة اللى هو الدهون المتراكمة في الجسم هو أول حاجة الجسم هايروح لها عشان يستخدمها فى طاقة الجسم
البعد عن الدهون المضرة والسكريات بشكل نهائي والتقليل من النشويات بس أوعا تمنعها خالص .. كده غلط .
ممارسة تمارين البطن يومياً .
في فترة التنشيف يفضل تناول الخبز الأسمر والاعتماد ع الخضار والفاكهة في وجباتك بجانب البروتين خالي الدهون زى بياض البيض وصدور الفراخ .
اجعل تمرينك بأوزان متوسطة أو معتدلة مع زيادة عدد التكرارات في كل جولة الى (10 -12) تكرار. وماتسمعش كلام اللى يقولك أوزان خفيفة وألعب 20 ولا 25 عدة .. انت كده بتخسس مش بتنشف
استخدم أساليب أكثر كثافة في التدريب كمجموعات السوبر ســـت والدروب ســت ....... لزيادة درجة حرق الدهون
أخر حاجة حمامات الشمس من الأمور المهمة في برنامج التنشيف
ممكن تعملها على البحر فى الجو دة هاتكون جامدة بس أوعا تعملها من غير كريم .. لازم تستخدم كريم sun Block أو اى حاجة تحمى جسمك من أشعة الشمس الضارة .. أنا عن نفسى بفضل زيت الزيتون
مع تحيات الكابتن محمد عبد الفتاح
Comments
Post a Comment